चांदणे चांदणे चांदणे व्हायचे
भेटल्यावर तिचे बोलणे व्हायचे
पोचण्याला कुठे ध्येय होते मला
सोबतीने तिच्या चालणे व्हायचे
चालताना जरा मीच थांबायचो
पाठमोरे तिला पाहणे व्हायचे
हात हातामध्ये घेतल्यावर तिचा
जीवघेणे तिचे लाजणे व्हायचे
ठेवले मी तिला पापणी आड पण
काळजावर छबी गोंदणे व्हायचे
पत्र होते तिचे एक गंधाळले
रातभर वाचणे जागणे व्हायचे
शब्द देऊनही 'तेच' टाळायची
शेवटी 'जे' तिला मागणे व्हायचे
- रमेश ठोंबरे
भेटल्यावर तिचे बोलणे व्हायचे
पोचण्याला कुठे ध्येय होते मला
सोबतीने तिच्या चालणे व्हायचे
चालताना जरा मीच थांबायचो
पाठमोरे तिला पाहणे व्हायचे
हात हातामध्ये घेतल्यावर तिचा
जीवघेणे तिचे लाजणे व्हायचे
ठेवले मी तिला पापणी आड पण
काळजावर छबी गोंदणे व्हायचे
पत्र होते तिचे एक गंधाळले
रातभर वाचणे जागणे व्हायचे
शब्द देऊनही 'तेच' टाळायची
शेवटी 'जे' तिला मागणे व्हायचे
- रमेश ठोंबरे
